السلام عليكم
هو موضوع كنت قد كتبته منذ فتره واحببت ان انقله لكم هنا
وانا اتابع التليفزيون اذا باعلان للملابس الداخليه وهو يعرض هذه الجمله مرارا وتكرارا في الاعلان كانه يصر علي بالتفكير فيها والتمعن في معانيها بدقه
.........................................
وماهي الا فتره وجيزه من الوقت مضت واذا باحد البرامج يعرض لقضيه الطبيبين المصريين المحكوم عليهم بالجلد والحبس بالسعوديه فذهلت لكميه المعاني التي تدفقت في مخيلتي حينها وكيفيه الربط بين تميمه الاعلان وقضيه البرنامج تسائلت حينهاهل هناك علاقه بين اهانه المصريين خارج القطر المصري وظلمهم واهانتهم وتعبهم داخله؟
هل لشعب لا يحترم في ارضه ان يحترم خارجها؟
هل لشعب يعذبه وينكل به ويرهقه ويزله حاكمه ان يلقي غير ذلك من غير حاكمه؟
هل لشعب ارتضي لنفسه ان يعمل ويتغرب عن بلده وناسه بالسنين من اجل كسب عيشه ان يضحي بذلك كله من اجل معامله هي اقل مما يلقاه في وطنه؟
هل لشعب ارتضي حاكمه له المهانه في مواقفه السياسيه الخارجيه وتعاملاته الدوليه وفرط في كرامه المصري في كل بقاع المعموره ان 
يحترم؟
يحترم؟
هل وهل وهل وهل وهل وهل وهل .............................؟؟؟؟؟؟؟؟؟
.تساؤلات كثيره دارت في مخيلتي ومعها دار المثل الشعبي الخالد وهو اللي يقول لمراته ياعوره يلعبوا بيها الكوره
اسيبكم بخير اصلي بجد تعبت......................مش عارف هتجلد امتي؟
13 comments:
آه يا خلدووووووون
صدقت القول
ثقتك الخارجية تبدأ براحتك الداخلية
مع تحيات قطونيل فيجا
هههههههههههههههههه
صحيح مقولتش ليه ان الساعة داخلة على 11 وربع؟؟؟؟؟؟
ههههههههههههههه
حبيبي يا خلود
استمر وربنا يوفقك يا برنزززززز
ابو الجوهري
ازيك ياباشا
ايهالاخبار
مكنتش لاقي الساعه
كانت في الدرج بعيد وماخدتش بالي منها
قطونيل وحسام حسن واولاد عثمان ومش عارف ايه بيسلموا عليك
اتعودت اللي يزورني لازمن ولابد اجي مدونته اضرب عيارين
لقيتك باسم الله ماش شاء الله طاخخ بوست رائع
وفتحت عليات تاني موضوع إهانة المصري في بلاد واق الواق
واللي يقول لمراته ياهانم الناس تقف ليها ع السلالم
بالنسبة للمصري فقلة الكرامة صناعة وطنية .. مش عاوزنا نشجع منتجات البلد ولا ايه؟
لكن بتوع الشبشب ابو صباع لما يحلوا علينا .. وهم في بلدهم واخدين حقهم تالت ومتلت فبرضه لازمن نعاملهم معاملة بلدهم ليهم .. ونقول مصر بلدك واحنا وكتاب الله المجيد عليها ضيوف .. تحب نسيبها ليك يا ابو عنيز ونقعد في الشارع على ما تبرطع من الهرم لجامعة الدول؟ والله قول بس ..
احنا ضيوووووووووف يا راجل .. بس ضيوف تقال على قلب اللي راكبين البلد
هههههههههههههههه
ايه الجمال ده يا دكتوره ستيته
والله العظيم ردك احسن من الموضوع
هههههههههههه
حلوه قوي حكايه الشبشب ابو صباع ده
عارفه قصه كلب الامير في الشيراتون
طب عارفه قصه الشاب القطري بتاع طريق المطار
طب عارفه الاميره سماهر والواد اياه
طب عارفه نظام العبوديه الجحديد والسيد اللي بقي اسمه كفيل
اقولك
بلاش كلام كتير
اسيبك بخير
د/ خالد
طبعا عارفه كل القصص المذكورة واقدر احكي لك اللي عمرك ما شفته
ستيته سينيما مش ها تقدر تقفل اللينك
انا كنت في بلاد واق الواق يا عزيزي يعني أم حكايات الكفلاء
بس الفرق اني كنت بوضعي وده يفرق كتير هناك
لو رحت تبع الحكومة "شلل ياحكومة" طبعا بتبقى بوضعك
لو رحت عمل خاص .. خد دروس جلد وقطع ايد وبتر كرامة
تحياتي
وهيه فين بقي بلاد الواق الواق ام حكايات الكفلاء دي
لا يادكتوره
احنا لسه مروحناش هذه البلاد ومجربناش حكايه الكفلاء بس اسمع اخبار وحكايات بتفكرني بايام الجاهليه زمان
لما دكتور يبقي تحت رحمه كفيل مبيفكش الخط وكرشه قدامه مترين وضحك عليه بالنسبه للشغل والمرتب وكده وبقي قاعد زي العاطل ولما طلب تغيير الكفيل طلب منه قد كده ولما راح للكفيل التاني طلب برده قد كده وفي الاخر رجع يامولاي كما خلقتني
دي قصه من الاف القصص لسه بنار الفرن الاسبوع ده والله
بس ارجع واقول دي بلادهم ودي قوانينهم اللي اكيد عجيبه وغريبه وظالمه ومثال كبير جدا للعنصريه اللي بيشتكوا منها اما بيخرجوا الي بلاد الفرنجه
لكن الغريب لما الحاجات دي تحصل هنا في بلاد المحروسه من اهل الخليج ضد اهل المحروسه وعلي عينك يا جابر
جابر مين انا مش عارف
سلام
ليه يا مصر قلبك جامد على أولادك، على شبابك، على أحفادك، نطف فى رحم الغيب، روشتة الأمل من صيدلية الوطن مكتوب فيها غضب وألم ويأس وحزن شفيف، وفر دواك أحسن يا طبيب، المريض أكله اليأس، قانط، حائر، خائر الهمة، بالذمة، مال الأرواح صارت يائسة هائمة، لا تجد شاطئا تركن إليه، أو حائطًا تسند إليه رأسها وتناجى، ربنا ولا تحمّلنا ما لا طاقة لنا به.
منجل الغباء بيحش وسط الموهوبين، بيمص عصارة الأمل من السيقان الخضراء بترعى فى حقول القمح، اسمه قمح.. اليوم وأمس وغداً، ومصر يحرم عليها الأمل والجدال يشتد، ويشتد الألم بالمجروحين، بيجرح أد ما يجرح، القلب بين الضلوع بينزف الأمل.
ولادك نزعوا قلوبهم من الحشا، وحشوا صدورهم حجارة وتخرب العمارة، إن خرب بيتك أبوك، تنهد فوق الرؤوس، اليأس عشش فى كهوف الروح، الظلم سيف على رقاب الكل، خلوها خل، يئدون المواهب وأد البنات أيام الكفر، لا يصبرون على موهبة، يذيقون الكرام الذل، مصر للأسف مش للكل.
هانوا عليكى ولادك يا ست الكل، صعبان علينا فستان التل، سلبه لصوص الارنص والكامب، بان لحمك والجيران بتبص وتطل، بحبك زى ما حبك ابنك الكبير صلاح جاهين ومثله حبك كل المجروحين، بحبك بعنف وبرقة وعلى استحياء، وأكرهك وألعن أبوكى بعشق زى الداء، وأسيبك وأطفش فى درب وتبقى فى درب، وتلتفتى تلاقينى جنبك فى الكرب، والنبض ينفض عروقى بألف نغمة وضرب.
أغنياء من التعفف، والقدر يغلى بماء قراح، ويفور، إضرابات واعتصامات واستجوابات وأرواب سوداء طالعين يشيعوا الفقيد، فقيد الكادر، كادرك يا وطن، آه يا وطن من غير كادر، أبوالعلا مغروز فى الطين، كلنا شايلين الطين، والجوع كافر، وجعتى يا مصر يا شبعانة يا بنت الناس الأكابر، وخفتى ونمتى حزينة، دمعتك على الخد، خد الجميل أحمر وجميل، وأنا بنادى على الجميل بص وطل.
الله
الله
الله
الله
الله
الله
الله
الله
الله
الله
كل اللي عاوز اقوله واللي يعوز يقوله اي حد اتقال
افتكر بعد الكلام اللي فات محدش هيزود كلام
ياتري مين اللي كاتبه
انا حاسس اني قريته قبل كده
بس كان نفسي تكتب اسمك
كلامك صحيح أخي الكريم
ولكنني أتساءل دائما
ترى كيف نرى مصر
بلد أم أرض أم أهل وأصدقاء أم ذكريات أم بيت أم ....حكومة...أم ظروف حياتيه صعبة
ومن نلوم ومن نعاتب
تحياتي وتقديري
مصر هيكل ذلك
ولن نفرحالا اذا انصلح كل كل ذلك
فلا مكن اختصار بلد في ارض او مكانفيهون علينا بغضها او تركها
ولايمكن ايضا اختصارها في اهل واصدقاء وفقط فنتغاضي عن نقدها
مصر كما الوطن دائما.................كل شيء
السلام عليكم
أخي العزيز خالد
كل ما تقوله صحيح
فكيف بشعب يهان في بلاده..أن يحترم خارجها
لقد قرأت كتيرا عن قصص إهانة المصريين
وأولئك المظلومون الذين يلجؤون للسفارات خارج بلادهم
فلا يلقون إلا الرفض..أو المال
ما بالنا اليوم
لا مال
لا حكومة
لا طعام
لا صحة
ولا كرامة أيضا؟؟
أين مصر
تلك التي كانت تشيب الشعور عند سماع اسمها
لقد دفنت مصر
دفنت مصر
دفنت مصر
فمن يخرجها
ومتى تعود؟
كان في كلام عاوزة أقوله
بس مكتوب برده
أشكرك يا دكتور وبشدة
تقبل خالص تحياتي
اتقبل خالص تحياتك طبعا
بس شكرا بجد علي الكلام الرائع اختي
بس ياتري هو انتي انتي والا انتي مش انتي
سلام
وليه مستغرب يا دكتور
داحنا ف بلد المتناقضات
خد عندك
رئيس الوزراء اسمه نظيف والبلد
مليانه زبالة
رئيس مجلس الشعب اسمه سرور والغم راكبنا
وزير التعليم العالي اسمه هلال والتعليم ف الارض
وزير التعليم اسمه الجمل ومش عارف يشيل مسؤلياته
وزير الصحه اسمه الجبلي وكلنا عندنا هشاشه
وزير التضامن اسمه مصيلحي وحالنا مش راضي يتصلح
وغيرها وغيرها
نفسي اعرف ليه
لوعرفت ليه اتصل علي
0900000000000000000
تكسب سيخ محمي ماركة عز
في راحه داخليه ولا حتي خارجيه زي كده والنبي
سلامووووووووووووووووز
بالمووووووووووووووووز
Post a Comment