ثقتك الخارجيه تبدأ براحتك الداخليه

السلام عليكم

هو موضوع كنت قد كتبته منذ فتره واحببت ان انقله لكم هنا

وانا اتابع التليفزيون اذا باعلان للملابس الداخليه وهو يعرض هذه الجمله مرارا وتكرارا في الاعلان كانه يصر علي بالتفكير فيها والتمعن في معانيها بدقه

.........................................

وماهي الا فتره وجيزه من الوقت مضت واذا باحد البرامج يعرض لقضيه الطبيبين المصريين المحكوم عليهم بالجلد والحبس بالسعوديه فذهلت لكميه المعاني التي تدفقت في مخيلتي حينها وكيفيه الربط بين تميمه الاعلان وقضيه البرنامج تسائلت حينهاهل هناك علاقه بين اهانه المصريين خارج القطر المصري وظلمهم واهانتهم وتعبهم داخله؟

هل لشعب لا يحترم في ارضه ان يحترم خارجها؟

هل لشعب يعذبه وينكل به ويرهقه ويزله حاكمه ان يلقي غير ذلك من غير حاكمه؟

هل لشعب ارتضي لنفسه ان يعمل ويتغرب عن بلده وناسه بالسنين من اجل كسب عيشه ان يضحي بذلك كله من اجل معامله هي اقل مما يلقاه في وطنه؟

هل لشعب ارتضي حاكمه له المهانه في مواقفه السياسيه الخارجيه وتعاملاته الدوليه وفرط في كرامه المصري في كل بقاع المعموره ان يحترم؟

هل وهل وهل وهل وهل وهل وهل .............................؟؟؟؟؟؟؟؟؟

.تساؤلات كثيره دارت في مخيلتي ومعها دار المثل الشعبي الخالد وهو اللي يقول لمراته ياعوره يلعبوا بيها الكوره

اسيبكم بخير اصلي بجد تعبت......................مش عارف هتجلد امتي؟

د.زويل.....افضل طريقه للتنبؤ بالمستقبل ان تصنعه

بسم الله الرحمان الرحيم
حقيقه من لم يتابع ندوه الدكتور احمد زويل ومعه الشاعر فاروق جويده والدكتور العظيم محمد غنيم فقد فاته الكثير والكثير جدا فقد كانت ندوه اكثر من رائعه تلك التي اقيمت في الصالون الثقافي لدار الاوبرا المصريه والتي ادارها الكاتب الصحفي اسامه هيكل تحت عنوان ثروات الامم وثروات الفكر
ازهلني الدكتور احمد زويل وهو يردد جمله لاحد الكتاب الغربيين والذي يقول بانه افضل طريقه للتنبؤ بالمستقبل هو ان تصنعه بل الطريقه الوحيده هي تلك هو انتنتج وتصنع وتبدع ماتريد ان تراه في المستقبل ولذلك فوائده العظيه فالتطور والتقدم بل والاقتصاد الامريكي اكبر واعظم اقتصاديات العالم ثلاثه ارباعه تقوم علي نظريه صغيره في الفيزياء وهي تسمي quantem dynamic
فلا حدود ولا قيود للعلم فكل صغير قد يفيد وكل حقير قد يبني امم ....المهم هو كيف تستفيد فالدول ذات الموارد الكبيره مثل دول الخليج والتي خصها الله مثلا بالتربه الغنيه من بترول وغيره هي في قاع الحضارات الالن لانها لاتعلم كيف تستفيد ودول مثل اليابان كوريا الجنوبيه التي كانت تقتدي بمصر في مهدها بلا موارد حقيقيه ومع ذلك هي في اعظم عشر اقتصاديات في العالم ودلل علي ذلك العالم الكبير بان ميزانيه البحث العلمي في مصر لو زادت عشر مرات لما تحقق مانريد فالمشكله ثانيه هو كيف تستفيد وكيف تصنع ماتريد وذلك يتحقق بتوفير المناخ الملائم لذلك وهو مايوجد في ابشع صوره عندنا من فساد للسلطه والحكم والمال وعشوائيه الفكر والوعي الشعبي وذاد علي ذلك الدكتور السيد ياسين شيوع الخرافه والفكر غير العلمي في مصربدليل ماتبثه الفضائيات والكتب الدينيه التي تكرس مفهوم الخرافه كل ذلك صنع مناخ سيء ادي الي واقع اسؤ ودلل علي ذلك الدكتور زويل بسؤاله عن اكثر الكتب مبيعا في مكتبه مدبولي وكانت الاجابه بانها كتب الابراج وغيرها مما لاتفيد
مثل الدكتور زويل لقوائم النهضه والمناخ بثلاث قوي 1 _1لسياسه 2_المناخ 3_العلم وهو ماتوافر بقوه ووفره في كل من امريكا والصين ودول الخليج بالترتيب فالصين مثلا تنقصها الديمقراطيه ولكنها نجحت بداعي العلم والبحث العلمي وان توقع لها د.زويل بانها لن تكمل

اهم ماقيل في الندوه من وجهه نظري

اولا_مقوله الدكتور زويل عن لسان احد العلماء .افضل طريقه للتنبؤ بالمستقبل ان تصنعه........وحديثه عن هذا المفهوم

ثانيا_تحدث الدكتور زويل عن الثوره المتوقعه في مجالات الطب مثل

1_genetic technology
وفيه ذكر الدكتور زويل عن ان اكثر من تسعه وتسعون بالمئه من الجينات البشريه متشابهه ولكن كل فرد يختص بواحد بالمئه عن بقيه
البشر وهو مايعرف بالبصمه الجينيه وفي ذلك حاول العلماء التوصل الي تلك الجينات وصنع ما يسمي بالبطاقه الجينيه وستكون من
السليكون او الكربون او الاثنين معا وذلك كله باقل من الف دولار للفرد.......ولذلك فائدته في تحديد قابليه الشخص للامراض الوراثيه
منها وغيرها وكيفيه الوقايه منها
2_selective drug action
وهومايشبه خدمه الديليفري او توصيل الطلبات للمنازل وذلك بتوجيه الدواء ليعمل علي الخلايا المصابه دون غيرها لتجنب حدوث
الاعراض الجانبيه للدواء وتلك دراسات يقوم بها زميل للدكتور زويل في جامعه كالتك
3_stem cells technology and research
وهي من اكبر الثورات الحاليه فائده من وجهه نظري فهي قد مثلت املا لكثيرين حاليا واصحاب الامراض المزمنه خاصه امراض الكبد
والتي تحفل بهم مصر هنا وقد رايت ناس مرضي يتكلمون باستفاضه عن هذه الخلايا الجزعيه علي انها ملازهم الاخير ويقولون بان
هناك من الاطباء من يقوم بزراعه الخلايا الجزعيه الان لمرضي الكبد
تقوم فكرتها علي انشاء خلايا من جسم الانساء وهي ماتعرف بالخليه الام وهي التي لم تحدد بعد شكلها او وظيفتها وهي معلومه لدارسي
الطب وزراعتها في اماكن مراده لتتحول وتحقق الوظيفه الجديده ايا كانت فقد بعمل الخلايا العصبيه المصابه اوالخلاياالعضليه لمرضي
القلب المزمنين وايضا الخلايا البنكرياسيه لمرضي السكري من النوع الاول ماتعرف بجزر لانجرهانز
4_vaccination and drug industry

ثالثا_تحدث الدكتور زويل عن الثوره المتوقعه في مجالات الطاقه مثل استخلاص الطاقه الشمسيه والطاقات الطبيعيه الاخري كالوقود الحيوي والذي تنتهجه البرازيل الانوهناك مساعي للعثور علي الطاقه في العالم الخارجي لمواجهه المستقبل ومواجهه الاعداء ايضا
رابعا_بحوث الفضاء المهوله والتيتبدي لها امريكا والعالم المتقدم اهتماما رهيبا وقد عزمت وكاله الطيران الفيدراليه ارسال رحلات للفضاء تتكلف الواحده100 مليون دولار للفرد وهي ليست لرفاهيه ولكنها للبحث عن مواد وهوالم ومصادر جديده للطاقه والمياه

خامسا_اوضح ان العلماء في جامعه كالتك يقومون بصناعه ميكرسكوب رباعي الابعاد لرؤيه جزيئات واشكال لم تكن مرئيه من قبل فهو يقوم بتكبير شعره الانسان مليون مره مثلا ويقومون ايضت بصناعه تلسكوب تبلغ حجم عدسته 30 متر مربع وذلك لرؤيه كواكب ومجرات لم تكن مرئيه وعوالم اخري تمكنهم من رؤيه ما كانت عليه الارض وبقيت الكواكب منذ الاف السنين
سادسا_قال ان محور اخر من محاور دراسات العلماء هو التحكم في مجالات الوعي والادراك وغيرها من الامور العقليه ومحاوله التدخل ومعرفه المذيد عن 10 ملايين خليه بشريه
سابعا_اشار الي ان العلماء الان يحاولون خلق مايعرف بالانترنت الحديث او ما يعرف بالكوانتم انتانجل نت وهو سيكونم فائق بكثير جدا عن الانترنت الحالي وسيكون بغير كابلات او اسلاك بل سيكون انتشاره كانتشار الضوء وعلي موجاته وسيكون بمقدور الدول والحكومات معرفه اسرار كثيره عن المواطنين من خلال التحكم في اجهزتهم الشخصيه فلا خصوصيات من بعدها
ثامنا_اشار زويل الي وجود مايعرف بالمين وهي تعني الوحده الثقافيه للشعوب

تاسعا_علي حد تعبير زويل فلم تكن قنابل الفسفور الابيض المستخدمه اخيرا في حرب غزه بودره محوجه فهي نتاج بحث ودراسه وهي عباره عن شظايا صغيره تدخل جسم الانسان من جروح صغيره وتدمره من الداخل كما انها تشتعل في الهواء الطلق دون ان يلحظ الانسان العادي

عاشرا_اشار الي انه بالرغم من تفاؤله بمستقبل مصر الا انه متخوف من الوضع المزري الحالي في مصر والدول العربيه كلها
1_شيوع الخلافات والتضاد بين الدين والسياسه والعلم فليس هناك تضاد كماهو موجود عندنا فالدين يحفز علي العلم والعلم يخدم الدين ويؤيده كما ان السياسه
هي للحكم وليست للتحكم
2_التقدم والتكنولوجيا زات وجهين لك او عليك وعليك ان تحسن الاستغلال فالانشطار النووي لم يخترع لقنبله هيروشيما فمن االممكن ان يستخدم سلميا ولكنها
العقليه وفي عقليتنا تلك ستكون كل الامور ضدنا
3_العولمه فهي تخدم من يستطيع صنعها وليس منينتهجها دون فهم
4_شيوع الاستبداد والظلم وعدم المساواه فالباحث اللذي لايستطيع ان يوفر حياه كريمه لاسرته لايستطيع ان ينتج ولا يمكن ان تساوي في المرتب والجزاء بين من
يعمل ومن لا يعمل بحجه القانون


تكلم ايضا الدكتور العظيم غنيم وتكلم عم معجزه الهند واشار الي ان غياب الديمقراطيه ليس حجه لعدم التقدم كما هو مبين من تجربه اندونسيا والصي وذكر قصيده لحافظ ابراهيم لا اتذكرها الان
تكلم الدكتور ياسين وبين اشمئزازه من شيوع الخرافه والجهل وغياب العلوم الاستراتيجيه مما يؤدي الي غياب وتخبط الخطط والقرارات
تكلم الشاعر فاروق جويده وابدي تحفظه علي نقطه استباحه الخصوصيات وياسه من موقف المثقفين ورجال الاعمال من تخبط و وصراعات واختلاف في ايدولوجيات عقيمه واوضح الي ان الفساد في مصر ليس في السلطه فقط بل في الشعب المصري ايضا

نقاط ضعف الندوه
اولا_استخدام الموبيلات من قبل بعض الحاضرين وهو ما ازعج زويل كثيرا وهو ايضا ما يبين لنا ان من يحضر مثل هذه الندوات ليس مؤهلا لها وانهم من هؤلاء المدعين مثقفين وفنانين وهم محبي للمظاهر وفقط وهم الصفوه المنتخبه المنافقه.........يقولون ان محمود ياسين حضر الندوه وكنت اتمني ان يقولوا المسؤول الفلاني حضر الندوه
ثانيا_الشاعر فاروق جويده وان كنت احبه الا انه كان نقطه ضعف واضحه في اللقاء فهو لم يضيف شيئا علي ما اعتقد حتي لم يقل قصيده بهذه المناسبه كما كنت اتوقع فلم يكن علي مستوه الندوه ولم يكن له مايميزه سوي انه بلديات زويل
ثالثا_عدم اهتمام معظم القنوات بها الا دريم في جميع برامجها وفتراتها
رابعا_اعتقد انها للتثقيف وفقط فهي وغيرها لم ولن يفعل ايا مما ورد بها وايضا لغياب معظم المسؤولين عن معظمها فهي ندوه ثقافيه اوك.ولكنن لمن ....ل د.زويل ياعالم




انا مصري وايضا قناه دريم قناه مصريه ولذلك

بعد انتهاء الندوه قلبت علي دريم الحمراء وشاهدت اغنيه دلع الحبايب يا دلع ايش حال انا وياه لالين خلف................والله ما اخدت بالي من المفارقه الا بعد انتهاء الاغنيه

الشخرمه

العواف عليكم

احييكم من عالكرسي بتاعي امام مكتبي وجهاذ القمبيوطر في اقصي الركن الايسر لغرفتي

انا جايبلكم موضوع كنت كاتبه من ايام امتحاناتي زماااااااااااااااااااااااااااااااااان...........الله لا يعودها ايام كانت ايام مايعلم بيها الاربنا كان الواحد ...احم احم انا اسف خرجت بره موضوعنا

احنا كنا بنتكلم في ايه
اه

الموضوع اهو

المشهد الاول

من اسبوعين

قالولي الامتحان اختيار من متعدد وكلينيكال بحاله واحده قولتلهم اسئله الاختيار هتبقي في مواضيع ايه وكم واحده قالولي10 جمل في الباطنه كلها قلتلهم يعني اراجع واذاكر حوالي عشر كتب علشان عشر جمل قالولي مانت كده كده هتزاكرهم قولتلهم بس المفروض اني ازاكرهم علي شهر اكتوبر مش دلوقتي كلهم قالولي هو كده قولت الله يخربيتكم ولنا الله طب والامتحان امتي قالولي هنقلك قبلها بيومين مقولتش حاجه....اتشليت

المشهد الثاني
خلال الاسبوعين

نهار مايعلم بيه الا ربنا وليل كله كوابيس مش لحاجه والله بس عشان الظلم اللي احنا عايشين فيه يا جدعان والله حرام مش عارف ازاكر الكتب والا اجيب اوراق امتحانات والا اراجع ورق المحاضرات والا ايه ومستني الامتحان بين لحظه والتانيه طب حد يقولي اعمل ايه

المشهد التالت

يوم الامتحان

صحينا الفجر وصلينا الفجر وقعدنا نراجع الحاجات اللي محدش عارف هيه بتاعت ايه اساسا الله العظيم كنت برمي الكتاب علي المكتب والصفحه اللي تتفتح اقري فيهاوالمهم نزلنا وروحنا الامتحان اللي احنا عرفنا معاده طبعا قبلها بتلات ايام كان المعاد الساعه 8 واول دكتور شوفناه كانت الساعه 10.5استلمنا الورقه واقسم بالله ولا جمله مفهومه وجملتين من العشره في حاجه ماتشرحتش وجملتين مش في اي كتاب في التاريخ و3 جمل فيهم لف ولا لفه اللي جاب الديب من ديله والتلاته اللي معقولين تقريبا غلط من تعب الاعصاب الي شوفناه خرجنا من الامتحان والله وحده اعلم بما في الجب من وحوش قولنا ربنا يعوض في الكلينيكال استعدينا للكلينيكال واول ما دخلنا القسم نادوا علي اربعه من اولاد الاعلام في البلد ودكاتره الكليه ولم يغيبوا في الامتحان اكثر من 3 دقائق للتعارف وسلملي علي بابا دخلت وقولت ماليش دعوه دخلت علي حاله وكان الحوار كالاتي

اولا.: هي امراه عندها بتاع 100 سنه قعدت جنبها وصعبانه عليه والمصحف اني امتحن عليها

انا: اسمك ايه يا حاجه؟

هي : بتقول ايه؟

انا: بلغه الاشاره انتي منين.....فهمت انها مش بتسمع يا معلم >هتناقش مع واحده مش بتسمع< قشطه عليك يا كبير

هي: اسمي جمال

انا: اسمك ايه ؟

هي: بتقول ايه؟

انا:يوووووووووه

انا: بتشتكي من ايه؟

هي: من المنشيه

انا: ياستي بتشتكي من ايه؟

هي : من شارع حسن

انا : حسن ايه؟

هي : الدور التاني

انا: لولا اني مؤمن كنت قولت دي مخاويه وبتكلم اللهم احفظنا..........

..ياستي طب انتي عندك كم عيل؟

هي : عندي املاح علي صدري

والله العظيم ده الحوار اللي حصل بالظبط

قولت اكشف عليها وخلاص واشوف اليوم الي ما يعلم بيه الا ربناالمهم اني لقيت حاجات في القلب والكبد والطحال والرئه وكله من كده يا معلم زهقت..........قعدت جنب الحاجه لغايه مالدكتور جه قعد يسالني شويه واتكلمت معاه قالي افحصلي الكبدفحصته بطريقه العالم كله بيشتغل بيها وقسم الكبد والجهاز الهضمي هم اللي قايلين لينا عليها ولمن يدرس الطب هي تسمي ordinary method

الباشا قالي كده غلط وافحصه بالطريقه الفلانيه اللي هيه اساسا لا تنفذ الا في حاله واحدهbimanual method

بعد كده قالي اسمعلي القلب جيت اسمعه الباشا قالي روح يا معلم وبالشفا

حد يا جدعان لسه مش عارف يعني الشخرمه؟؟؟؟؟؟؟؟؟؟؟؟؟؟؟

الساعه دخلت علي واحده وعشره

تصبحوا علي خير

عشمتني بالحلق خرمت انا وداني

سلام عليكم

اكتب موضوعي هذا من الكرسي بتاعي امام مكتبي وجهاز القمبيوطر في اقصي الركن الايسر لغرفتي

مساء الكحفله

هو موضوع قد كتبته منذ فتره عشيه مباراه الاهلي وباتشوكا في مونديال الانديه باليابان واحب ان انقله لكم هنا

عاوزين حد يصحينا بدري علشان نشوف الماتش_

اه ده الماتش ده مهم جدا وجوزيه بيقول انه هيكسبه باقل مجهود_

تعرف ان جوزيه قال انصح الجماهير اليابانيه بمشاهده الاهلي في البطوله_

والا الفيفا اللي اختارت ابو تريكه كمرشح اول للفوز بكاس احسن لاعب في البطوله_

اه ودي فرصه ابو تريكه للفوز بجايزه احسن لاعب في افريقيا_

وبرده فرصه للاعيبه الاهلي انهم يحققوا كتير من الارقام القياسيه_

تعرف ان امير عبد الحميد قال ان هدفهم ملاقاه مانشستر في النهائي_

ياه قد كده واثقين من فوزهم ومن وصولهم للنهائي_

طبعا يابني ده كل مسؤولي الاهلي بيقولوا نفس الكلام_

يبقي اكيد ده هيبقي ماتش جامد جدا ولازم نشوفه_

طبعا يابني ده الاهلي هيقطع كل الفرق اللي هتلاعبه_

يبقي لازم نصحي بدري_

اعتقد هو ده الحوار اللي دار فيمعظم البيوت المصريه ليله مباراه الاهلي وهو ما دار ايضا بيني وبين احد اصدقائي ليله المباراه

.........وفي الصباح

استعداد تام من معظم القنوات الرياضيه اما لعرض المباراه واما لتحليلها والكل يهلل والكل يهول ويرسم البحر طحينه كمايقولون ..هذا كله ساهم في خلق صدمه عنيفه لدي متابعي المباراه بعد نهايتها

لا اريد الخوض في تفاصيل المباراه فانا اريد الفكره وفقط

الخلاصه اداء سيء ونتيجه سيئه ومباراه اهلاويه اقل ما يقال عنها انها من اسؤ مباريات الاهلي

اتكلم عن سياسه التهويل والمبالغه في كل امورنا_

فالسيء سيءجدا ولايمكن اصلاحه وهو الاسؤ في العالم كله وفي اي مقارنه مع اي مثيل له في الدنيا فهو الاسوأ علي الاطلاق

الحكومه اسؤ حكومه واالشعب اسؤ شعب والنظام اسؤ نظام والجامعات اسؤ جامعات والتحكيم اسؤ تحكيم والفن المصري اسؤ فن وهكذاكما ان ايمن نور اسؤ رئيس حزب وسعد الدين ابراهيم اسؤ معارض والاخوان المسلمين اسؤ تكتل سياسي وديني و......و..........و

.اما الجيد فهو الافضل علي مستوي العالم ولايمكن ان يكون اسؤ من اي مثيل له بل هو الافضل فمصر ام الدنيا علي الاطلاق وجوها افضل جو علي الاطلاق واثارها اعظم اثاروالاهلي فوقالجميع وهوالافضل عالميا وهو هيكسب باتشوكا واديليد ومانشستر وسيحصد البطوله وابو تريكا هو الافضل بشهاده الفيفا وسيقدم الاهلي افضل اداء في البطوله من كل الفرق والرئيس هو احكم رئيس والنظام المصرفي هو الافضل فهو لايتاثر بالازمه العالميه الا قليلا ورئيس الوزراء هو الاطول عالميا وفتره عمل سرور هي الاطول عالميا والطفل المصري هو الازكي والعقول المصريه هي الافضل والنيل اطول الانهار واطول من الامازون ومياهه هي الافضل واللي يشرب منها لازم يرجعلها تاني والمصنع الفلاني هو اكبر مصنع في الشرق الاوسط والشركه الفلانيه هي الافضل في بيع وتصنيع مش عارف ايه والقطن المصري الافضل و...................و

.اتمني

ان تختفي ثقافه التهويل من حياتنا ومن مفرداتنا.

ان ناخذ امورنا بواقعيه اكثر من ذلك ونعرف حدودنا وموقعنا بين الاخرين.

اذا احرزنا انتصار ان نحجمه جيدا ولا نهوله ونجعله الافضل.

اذا حدث اخفاق ايضا نحجمه ولا نجعله الاسوا علي الاطلاق.

ان يقل استخدامنا لافعل التفضيل في حديثنا وتعليقاتنا.

ان نكون واقعييين ونعتمد لغه الحسابات لا لغه الويم والفشخره او تقطيع النفس.

الساعه داخله حوالي اربعه ونص







تصبحوا علي خير